Friday, 26 August 2022 06:45

“Klarex nga Serbisyo sa Baryo” sa Tignapoloan gidagsa sa katawhan; brgy Indahag ang sunod

Written by
GIDAGSA sa katawhan ang gilusad nga “Klarex nga Serbisyo sa Baryo” sa Brgy Tignapoloan dala ang tanang serbisyo sa City Hall kagahapong adlawa, Agosto 25, 2022.
 
Lakip sa mitunol sa serbisyo ang buhatan sa Cagayan de Oro Technical Vocational Institute (CDO-TVI), City Local Environment and Natural Resources Office (Clenro), City Disaster Risk Reduction and Management Department (CDRRMD), JR Borja General Hospital (JRBGH), City Health Office (CHO) ug daghan pa.
 
May be an image of 12 people and people standing
 
Nakapahimulos sa libreng technical vocational course ang 28 ka taga-Brgy Tignapoloan ug mihatag og libreng binhi sa Narra, Coffee, Abana ug Nangka ang buhatan sa Clenro.
Daghan usab nga mga kabataan ang nakapahimulos sa libre’ng tuli, samtang 17 ka mga senior high school students ang mipailawom sa Basic Life Support ug Basic First Aid training gikan sa CDRRMD.
 
Nakadawat usab sa libreng medical ug eye check-up ang katawhan lakip mga tambal sa ilang mga balatian, samtang aduna usab libreng alot gikan sa City Improvement Division; libreng legal advises gikan sa City Legal Office, ingon man mga serbisyo gikan sa City Assessor’s Office, City Finance Department, City Engineering ug daghan pa.
 
May be an image of 1 person, child, sitting, standing and outdoors
 
Sa mensahe ni Mayor Rolando “Klarex” Uy, iyang gidasig ang mga empleyado sa City Hall sa pagtubag gilayon sa manginahanglan og serbisyo ilabina kadtong gikan sa kabaryohan.
Dako usab ang pasalamat ni Punong Brgy Nancy Aban sa pagpili sa ilang barangay alang sa unang serbisyo.
 
Sunod nga bisitahan ni Mayor Klarex ug mga buhatan sa City Hall ang Brgy Indahag alang sa susamang serbisyo. (ACM/Photos by JAY ARANCON/CIO/CDRRMD)