Tuesday, 30 August 2022 07:49

Raffling sa 384 housing units gipahigayon sa CHUDD

Written by
Mahuman ugma’ng adlawa Agosto 31, ang raffling sa City Housing & Urban Development Department (CHUDD) sa mga benepisyaryo sa Balubal Heights Subdivision nga socialized housing project sa syudad.
 
Kini human gipadayon karong adlawa ang pag-raffle sa kapin 90 ka units nga gitambongan usab sa kapin 90 ka mga benepisyaryo nga kabahin sa 384 sa kinatibuk-ang ihap nga i-raffle kutob ugmang adlawa.
 
Gipadayag ni CHUDD Acting Head Atty. Jeoffrey Namalata nga mas gipaspasan karon sa ilang buhatan ang raffling ug ang pag-atiman sa uban pang mga relokasyon nunot sa kamandoan ni Mayor Rolando `Klarex’ Uy nga dili dugayon ang pagtubag sa panginahanglanon sa katawhan diin hatagan kini og igong aksyon.
 
Mga informal settler families (ISFs) nga naapektuhan sa demolisyon, nasunogan og balay, naigo sa road widening ug mega dike projects ingon man mga walay balay nga molupyo ning syudad ang mahimong maka-apply sa housing project pinaagi sa online registration sa CHUDD o mahimo usab nga mobisita sa ilang buhatan.
 
Usa sa mga rekisitos nga pangayoon mao ang certificate of no land holding gikan sa assessor’s office sa provincial capitol ug sa city hall pagmatuod nga wala siyay gihuptan nga yuta ubos sa iyang pangalan. (ALR/CIO/Photos by Reynan Baylin/CIO)