Wednesday, 31 August 2022 06:59

Animal quarantine checkpoints sa 3 ka brgy gipahugtan

Written by
GIPAHUGTAN sa City Veterinary Office ang tulo ka animal quarantine checkpoints diha sa barangay Lumbia, Bugo, Puerto ug ingon man sa munisipyo sa Opol, Misamis Oriental.
 
Ang checkpoints gipahimutang sa City Vet aron pagsiguro nga dili makalusot dinhi sa Cagayan de Oro ang mga baboy ug uban pang mga karne ug produkto sa hayop nga posibleng magdala sa sakit nga African Swine Fever (ASF) ug uban pang sakit sa mananap.
 
May be an image of 2 people
 
Gani, personal nga gisusi ni City Veterinarian Dr. Perla T. Asis ang mga operasyon sa ilang buhatan, ilabina niadtong milabay’ng kapistahan sa dakbayan.
Dako usab ang iyang pasalamat sa suporta ug kooperasyon nga gihatag sa mga kapulisan, ilabina sa mga barangay diin nahimutang ang mga checkpoints. (AMTB/CIO photos by City Veterinary Office)