Tuesday, 06 September 2022 00:44

Mayor Klarex ug PBEd milagda sa ‘renewal of partnership’

Written by
PADAYON ang pagtinabangay sa kagamhanan sa dakbayan ug mga personahe sa PBEd YouthWorks Ph pinaagi sa usa ka panagtigom niadtong Septyembre 1 sa mga kadagkuan sa Philippine Business for Education (PBEd) uban ni Mayor Rolando ‘Klarex’ Uy.
 
May be an image of 5 people and people standing
 
Ang maong lakang alang sa mga kabatan-onan nga buot makapangita og trabaho pinaagi sa mga programa ug pagbansay nga makadugang sa skills ug qualifications sa ‘unemployed’ ug out-of-school youth.
Mikabat na sa 185 ka mga kabatan-onan ang nahatagan og ‘training and employment opportunities’ ubos sa YouthWork Ph ug padayon usab ang suporta sa PBEd ngadto sa Labor Market Information Project alang sa Education ug Hotel-Tourism sector.
 
Atol sa panagtigom, nasaksihan ang ceremonial signing sa renewal of partnership tali sa lokal nga kagamhanan pinaagi ni Mayor Klarex Uy ug PBEd pinaagi ni Acting Executive Director Justine Raagas ug Deputy Chief of Party Hanibal Camua.
 
Misaksi usab sa kalihokan si City Administrator Atty. Roy Hilario Raagas ug PESO Manager Kathleen Kate Sorilla kinsa maoy gitahasan nga ilakip ang programa sa YouthWorks Ph sa mga serbisyo nga gitanyag sa Jobs Placement Bureau sa dakbayan.
 
Gilauman nga alayon sa padayon nga pag-abag sa PBEd YouthWorks Ph sa syudad mas daghan pang benepisyaryo ang mahatagan sa oportunidad nga makatrabaho nga makatabang usab sa panginabuhian sa mga residente sa dakbayan. (SPPalen/CIO)