Tuesday, 06 September 2022 08:51

‘Kahigayonan: Skills Training Expo & Job Fair’ malampuson

Written by
NAGMALAMPUSON ang ‘Kahigayonan: Skills Training Expo & Job Fair’ nga gipahigayon niadtong Septiyembre 5, adlaw’ng Lunes, diha sa USTP Gym nga gipangulohan sa lokal nga kagamhanan sa dakbayan sa Cagayan de Oro.
 
Nangulo sa Job Fair ang mga personahe sa Job Placement Bureau – Public Employment Service Office (JPB-PESO), 18 ka kabatan-onan ang ‘hired-on-the-spot’ ug pipila usab ang natawagan alang sa ‘final interview’ sa 427 ka mga registered applicants.
 
Mikabat sa 1,024 ka local employment gikan ka 37 local employers ug 739 ka overseas employment gikan sa 4 ka overseas employers ang gitanyag atol sa maong kalihokan alang sa mga kabatan-onan nga nag-edad 18 anyos pataas.
Atol sa Job Fair, gipahigayon usab ang skills training ug livelihood orientation aron mas mapalapdan pa ang kahibalo sa kabatan-onan ug kini mahimong dugang kwalipikasyon aron mas dali ang pagpangita og trabaho.
 
May be an image of 5 people, people standing and indoor
 
Nahimong posible ang ‘Kahigayonan: Skills Training Expo & Job Fair’ pinaagi sa pagtinabangay sa Oro Youth Development Office, SK Federation, Out of School Youth Development Alliance, JPB-PESO, Department of Agriculture-Agricultural Training Institute, Department of Trade and Industry, ug uban pang ahensya sa nasyonal nga kagamhanan. (SPPalen/Photos by Jay Arancon)