Tuesday, 06 September 2022 08:53

Kapin 400 misalmot sa expo & job fair; 18 ka jobseekers ang ‘hired on the spot’

Written by
MAPASALAMATON ang kapin 400 ka mga aplikante kinsa misalmot kagahapon (Septiyembre 5) sa ‘Kahigayonan: Skills Training Expo & Job Fair’ diha sa University of Science and Technology of Southern Philippines (USTP) Gymnasium.
 
May be an image of 2 people, people standing and text that says '1OB "We are grateful nga nakaapil mi ani kay ga-look ga- forward ko nga ma-hired sa local. Kay Mayor Klarex, sa employers ug sa tanan, dako kaayo akong pasalamat as a job seeker kay opportunity pud ni siya maka-next stage isip usa ka job seeker." city ntormatior Atrio Franz Pamisa Applicant Kahigayonan: Skills Training Expo & Job Fair USTP Gymnasium September 5, 2022 f Cagayan de Oro City Information Office'
 
Sumala ni Atrio Franz Pamisa, gradwado sa kursong Electronics and Communication Technology sa USTP tuig 2019: "We are grateful nga nakaapil mi ani kay ga-look forward ko nga ma-hired sa local. Kay Mayor Klarex, sa employers ug sa tanan, dako kaayo akong pasalamat as a job seeker kay opportunity pud ni siya maka-next stage isip usa ka job seeker. "
 
Kapin 40 ka local ug overseas employers ang misalmot sa maong job fair diin 18 ang ‘hired on the spot’.
 
Gawas sa job fair, anaa usab ang libreng enrollment sa skills training sama sa Housekeeping NC II; Electrical Installation and Maintenance NC II; Carpentry NC II; Shielded Metal Arc Welding NC I & II; Automotive Servicing NC I and II ug uban pa.
 
Libreng orientation usab ang gitanyag sa City Scholarships Office, apil ang Department of Agriculture - Agricultural Training Institute ug Department of Trade and Industry.
Midawat usab og aplikasyon ang ‘Bayanihan sa Kaumahan para sa Kabatan-onan, Kaumahan, ug Katubigan’ kon BAKA training alang sa mga batan-on nga interesado sa agrikultura.
 
Mitambong sa kalihokan sila si SK Federation President John Michael Seno; Committee on Education Chairperson City Councilor Suzette Magtajas-Daba; Oro Youth Development Officer James Patrick 'JP' Santos; AmortiVet President Lorimer Angeles; Department of Labor and Employment (DOLE) X Chief Labor and Employment Officer Emmanuel Toledo; United States Agency for International Development (USAID) Program Officers Katie Bax ug Maria Theresa Fajardo ug USTP Vice Chancellor for Academic Affairs Jocelyn Barbosa; ug Pag-Asa Youth Association of the Philippines (PYAP) Focal Person Yumah Jalalon.
 
Ang kalihukan tipik sa kasaulogan sa ‘Oro Youth Month”. (NLB/CIO/Photos by Jay Arancon/CIO)