Friday, 09 September 2022 00:18

CPR training, seedlings nadawat sa katawhan sa Balubal atol sa “Klarex nga Serbisyo sa Baryo”

Written by
TREYNTA (30) ka mga civilian volunteers, tanod ug barangay officials ang mipailawom sa Hands-Only CPR training nga gihatag sa City Disaster Risk Reduction and Management Department (CDRRMD) sa pagpangulo ni Nick Jabagat atol sa “Klarex nga Serbisyo sa Baryo” ni City Mayor Rolando “Klarex” Uy karong adlawa, Septiyembre 8 sa Barragay Balubal ning syudad.
 
Ang maong training nagtumong pagpalambo sa katakus sa mga tanod ug CVOs diha sa pagtubag ug pag-responde sa emerhensya ilabina sa ilang komunidad sa tinguha nga makatabang pagluwas og kinabuhi.
 
May be an image of 5 people and people standing
 
Ang maong training nga gipasiugdahan sa CDRRMD masinati usab sa ubang barangay sa umaabot nga mga adlaw diha sa pagpadangat sa City Hall services ubos sa administrasyon ni Mayor Klarex.
 
Samtang, 55 ka beneficiaries ang nakadawat sa libreng Cacao, Narra ug Coffee seedlings ug unom (6) ang gitabangan pinaagi sa land consultation gikan sa City Local Environment and Natural Resources Office (Clenro) nga lakip sa mihatag sa ilang serbisyo sa maong barangay.
 
Ang ‘Klarex nga Serbisyo sa Baryo’ usa sa nag-unang kalihukan sa administrasyon ni Mayor Klarex sa tuyo pagpaduol sa serbisyo sa gobyerno sa katawhan ning syudad. (ACM/Photos by ROD CONSTANTINO/CIO)