Friday, 09 September 2022 07:00

Balubal nakapahimulos sa serbisyo sa EWTPM

Written by
Mokabat 65 ka indibidwal ang naalagaran sa mga personahi sa East-Westbound Terminal & Public Market (EWTPM) atol sa `Klarex nga Serbisyo sa Baryo’ program nga gipahigayon sa Barangay Balubal, Huwebes, Sept. 8.
 
Ang mga serbisyo naglangkob sa pagpahibalo sa katawhan kalabot sa Black Soldier Fly Bioconversion Facility; price monitoring ug ang paggamit sa PrAmis App aron ilang mahibaw-an ang kasamtangang presyo sa mga produktong agrikultura sa Westbound Public Market; pagpahibalo sa schedule sa biyahe ug pamilite sa mga public utility vehicles (PUVs) diha sa Westbound Terminal; pag-apod-apod sa presko nga mga utanon, prutas, ug uban pang produktong agrikultura.
 
May be an image of 4 people, people standing and outdoors
 
Si EWTPM Officer-in-Charge Jocelyn Peñalosa namahayag nga dako ang iyang pasalamat kang Mayor Rolando ‘Klarex’ Uy nga namugna ang programa tungod kay nahatagan usab sila og kahigayonan nga mapahibalo sa katawhan ang mga programa ug serbisyo sa EWTPM. .
 
Siya naglaum nga mas daghan pa ang maserbisyohan sa EWTPM sa mosunod pa nga pagpahigayon sa maong programa. (ALR/CIO/Photos by Rod Constantino/CIO)