Wednesday, 14 September 2022 01:20

KLAREX NGA SERBISYO SA BARYO IPAHIGAYON SA BRGY TAGPANGI

Written by
Ipahigayon karong Huwebes, Septiyembre 15, 2022 diha sa barangay Tagpangi ang ‘Klarex Nga Serbisyo sa Baryo’, usa ka one-stop shop outreach program sa kagamhanan ning syudad ubos sa pagpangulo ni Mayor Rolando “Klarex” Uy.
Kini na ang ikatulong barangay diin mobisita ang mayor kauban ang mga sakop sa City Council ug department managers sa City Hall aron pagtunol sa mga serbisyo sa gobyerno diha mismo sa ilang tugkaran.
 
Lakip sa mga libreng serbisyo nga gitanyag atol sa kalihukan mao ang ‘Kasalan ng Bayan’, tuli, check-up sa mata ug dalunggan, medical ug dental check-up, bakuna sa Covid-19 ug rabies, libreng binhi sa prutas ug liso sa utanon, ID sa senior citizens, PWD, solo parents ug Philhealth, livelihood, agricultural, veterinary ug engineering services, ug daghan pang uban.
 
Kahinumduman nga namugna ang maong programa ni Mayor Klarex sa tumong nga mapaduol ug mahatud ang mga batakang serbisyo diha mismo sa tugkaran sa mga residente sa syudad, ilabina sa mga lagyong barangay sa Cagayan de Oro. (AMTB/ Infograph by Carl Balanza/CIO)