Tuesday, 27 September 2022 05:28

CdeO giila nga ‘Model LGU’ sa DSWD-10

Written by
MALIPAYON ang LGU-CDO human gipasidunggan ang City Social Welfare and Development (CSWD) Department sa DSWD Field Office X atol sa Gawad Paglilingkod sa Sambayanan awards 2022, bag-ohay lamang diha sa Chali Resort and Conference Center, ning siyudad.

Ang LGU-CDO giila sa DSWD X nga ‘MODEL LGU’ sa tibuok rehiyon alang sa pag-implementar sa protective program ug services sa DSWD X.

Mismo si CSWD Asst. Dept. Head for Administration Threjann Ace Noli ang midawat sa plaque of recognition sa ngalan ni Acting CSWD Officer Anecia Tongson, nga gitunol ni DSWD Regional Director Ramel Jamen ug Asst. Regional Director Flor Conde.

Ang 4Ps, Sustainable Livelihood Program (SLP), ug Supplementary Feeding Program ang pipila sa mga inisyatiba sa DSWD diin hugot nga gisuportahan sa LGU-CDO. (NLB/CIO/photos courtesy of CSWD and DSWD).