Tuesday, 27 September 2022 05:29

Mayor Klarex laraw magtukod og dugang tunghaan, paghata’g emergency transport vehicle sa Pagalungan

Written by
LARAW ni Mayor Rolando ‘Klarex’ Uy nga magtukod og dugang tunghaan alang sa mga tinun-an sa barangay Pagalungan, lakip emergency transport vehicle.
 
Kini ang giluwatang pamahayag sa mayor atol sa iyang pagduyog sa pagpakayab sa nasudnong bandila, Septiyembre 27 sa barangay hall sa Pagalungan pinangulohan ni Kapitan Rene Oporto, kauban ang iyang konseho, mga tribal leaders ug katawhan sa Pagalungan.
 
May be an image of 3 people, people standing and outdoors
 
“Hugot akong nagatuo nga ang edukasyon ang bugtong makahaw-as sa kapobrehon. Ang edukasyon maoy bugtong paglaom sa atong mga kabataan”, pagdasig ni Mayor Klarex sa mga kabataan nga magkugi aron molampos sa pagtuon.
Naghangyo usab si Mayor Klarex sa mga opisyales sa barangay nga pangitaan og maayong luna kung asa itukod ang gisugyot nga eskwelahan.
 
Gawas sa tunghaan, misaad usab si Mayor Klarex nga dili pa matapos ang tuig mahatag na sa barangay Pagalungan ang 4x4 pick up nga magsilbing ‘emergency transport vehicle’ sa panahon sa emerhensya nga magamit sa katawhan.
 
May be an image of 9 people, people standing and outdoors
 
Mokabat usab sa 500 kabuok nga food packs ang giturn-over sa kagamhanang lokal pinaagi sa City Social Welfare & Development Office alang sa mga target nga benipisyaryo sa barangay.
 
No photo description available.
 
Dumduman migahin si Mayor Klarex og P10 milyones pesos nga balor sa proyekto sa barangay Pagalungan.
 
Mapasalamaton si Kapitan Oporto ug mga katawhan niini sa personal nga pagduaw sa mayor sa ilang barangay sa tuyo nga mapaduol ang gobyerno sa katawhan ug ang katawhan mapaduol sa gobyerno. (AGP/Photos by Reynan Baylin/CIO)