Friday, 17 February 2023 01:39

RESTO BAR NGA ADUNAY LIVE BAND GIPAHIMANGNOAN SA RCB

Written by
Gipahimangnoan na usab sa Regulatory Compliance Board (RCB) ang Brako Bar human nagpahigayon og live band nga wala nasusi sa Office of the Building Official (OBO).
 
Natawag na ang atensyon sa tagdumala sa maong establisimento human sa mga reklamo nga nadawat sa RCB tungod sa kasaba sa ilang live band nga nakadisturbo sa palibot.
 
Matud ni Atty. Jose Edgardo Uy, chairman sa RCB, nga misaad ang tagdumala sa maong restobar nga dili usa magpatukar sa ilang banda hangtod dili pa aprubahan sa OBO ang pag-renovate sa ilang building diin butangan og soundproof aron dili makadisturbo sa silingan.
 
Samtang padayon usab nga gi-monitor sa Inspectorate Team sa RCB pinangulohan sa ilang Team Leader nga si Antonio Resma ang dry run sa live band sa Station 29 sa pagsiguro nga hingpit na niining gituman ang mga gabayan ug dili na makadisturbo sa katawhan. (ALR/CIO/Photos by Reynan Baylin/CIO)