Friday, 17 February 2023 01:41

‘SOCIAL PROTECTION’ SA MGA ADOLESCENT MOTHERS UG ILANG MGA ANAK, GIHINGUSGAN

Written by
MALAMPUSONG gipahigayon kagahapong adlawa, Pebrero 16, sa Commission on Population and Development (POPCOM X), uban sa hugot nga suporta sa kagamhanang lokal pinaagi sa Adolescent Health and Development Program sa Community Improvement Division ug City Health Office ang monitoring and evaluation activity alang sa programa sa Social Protection Program for Adolescent Mothers and their Children kon SPPAMC sa Cagayan de Oro.
 
Ang SPPAMC usa ka nasudnong programa sa PopCom ug Department of Social Welfare and Development nga nagduso paghatag og ‘social protection’ sa mga adolescent mothers ug ilang mga anak.
Mismo si POPCOM Regional Director Aldrin G. Omega ang nanguna sa maong kalihukan.
 
Tumong sa nahisgutang monitoring and evaluation nga masuta ang kahimtang ug kondisyon sa pipila ka mga benepisyaryo ug ilang mga ginikanan ug ‘partners’ aron makapadayon sa programa.
 
Lakip sa mga kondisyon mao ang pagtuman sa responsible parenthood ug likayan ang ‘repeat pregnancy’, magpadayon sa pag-eskwela ug aktibong pagsalmot sa mga educational sessions.
 
Dumduman niadtong Hunyo 2022 unang gisugdan ang SPPAMC sa syudad nga adunay 50 ka mga benepisyaryo isip usa sa mga pilot cities sa programa gumikan sa lig-on nga Information and Service Delivery Network for Adolescent Health and Development pinangulohan ni City Health Officer Dr. Rachel Daba-Dilla. (AGP/Photos by Roel Felicitas/CIO )