Tuesday, 21 February 2023 04:58

124 KA MAGTIAYON LIBRENG GIKASAL NI MAYOR KLAREX ATOL SA ‘KLAREX NGA SERBISYO SA BARYO’ SA BRGY MACABALAN

Written by
Mokabat sa 124 ka mga magtiayon nga nagpuyo-puyo na sulod sa dugay’ng panahon ang libreng nakapahimulos sa ‘Kasalan ng Bayan’ atol sa pagpahigayon sa ‘Klarex nga Serbisyo sa Baryo’ diha sa barangay Macabalan, Pebrero 18 ning tuig.
 
Mismo si Mayor Klarex Uy, kauban ang mga sakop sa konseho ning syudad, ang nangulo sa simpleng seremonyas sa kasal nga gisaksihan ni Kapitan Norbel Saa sa barangay Macabalan ug mga residente sa maong barangay.
 
Human sa kasal, gihatagan ni Mayor Klarex ang mga bag-ong kinasal og tag-isa ka letchon, cake ug wine isip pahalipay sa ilang kaminyoon aron na usab adunay mahimong gamay’ng salo-salo sa ilang panimalay.
 
Gawas pa niini, mihatag usab og tag-lima ka kilo nga bugas si SK Federation President City Councilor John Michael Seno, ug grocery packs gikan kang Liga ng mga Barangay President Alam Lim. (CIO/photos by Kim Zaldivar)