Tuesday, 21 February 2023 04:59

MAYOR KLAREX, GOV UNABIA UG DTI NAGTIGOM ARON MAPALIG-ON ANG SEKTOR SA MSMEs

Written by
Usa ka tigom ang gipahigayon kagahapong adlawa tali ni Mayor Klarex Uy, Misamis Oriental Governor Peter Unabia ug mga kadagkoan sa Department of Trade and Industry kon DTI Misamis Oriental alayon sa pagpa-uswag ug kaayohan sa Micro, Small, and Medium Enterprises (MSMEs) sa dakbayan ug probinsya.
 
Lakip sa nahisgutan ang planong pagpahigayon og capacity building workshop alang sa mga local investment officers sa tuyo nga mapalambo ang business and investment landscapes sa dakbayan ug probinsya.
 
Gipresentar ni DTI MisOr Provincial Director Almer Masillones ang ihap sa mga MSMEs nga anaa sa sektor sa pagkaon, lakip na ang pending accreditation and licensing sa mga MSMEs.
 
Gipadayag ni Mayor Klarex Uy ang hugot nga suporta alang sa maong mga plano ug programa nga gituohan niining makatabang sa pagbangon sa mga negosyante gikan sa pandemya.
 
Ang maong panagtagbo tali ni Mayor Klarex, Governor Unabia ug DTI tipik lamang sa mga paningkamot ug panaghiusa sa duha ka lider sa dakbayan sa Cagayan de Oro ug probinsya sa Misamis Oriental. (GB/CMO photos)