Tuesday, 28 March 2023 23:58

VP DUTERTE MOHATAG OG P1M MEDICAL ASSISTANCE ALANG SA MGA KABUS NGA PASYENTE SA JRBGH

Written by
Giabi-abi ni Mayor Rolando `Klarex’ Uy ang head sa satellite office ni Vice President Sarah Duterte nga si Regine Rosa D. Tecson ug mga kauban atol sa ilang pagbisita sa buhatan ni Mayor Klarex karong adlawa, Marso 28, 2023.
 
Tumong sa ilang pagbisita mao ang pagpahibalo sa mayor kalabot sa initial funding nga balor sa P1 milyon alang sa J.R. Borja General Hospital gikan sa buhatan sa Vice President isip medical assistance alang sa mga indigent patients sa maong hospital.
 
Alayon niini, gipasalamatan ni Mayor Klarex si Bise Presidenti Duterte pinaagi kang Tecson kay dako kini nga tabang sa mga kabus nga pasyenti nga anaa sa JRBGH.
Lakip sa miabi-abi sila si Chief of Staff Sheila Lumbatan, City Administrator Atty. Roy Hilario Raagas, ug Acting City Tourism Officer Rico Libre. (ALR/CIO/Photos by Jay Arancon/CIO)