Friday, 26 May 2023 06:21

2,000 KA PAMILYA SA CDEO NAKADAWAT OG TABANG PINANSYAL GIKAN DSWD

Written by
MAPASALAMATON ang 2,000 ka mga pamilya gikan sa nagkadaiyang barangay sa Cagayan de Oro human midawat og cash assistance nga balor og P3,000 matag usa gikan sa Department of Social Welfare and Development atol sa gipahigayon nga Assistance to Individuals In Crisis Situations kon AICS payout ubos sa inisyatiba ni Senator Bong Go, Mayo 26, diha sa city hall quadrangle, ning siyudad.
 
Sa iyang mensahe, si Senador Go nagkanayon. "Padayon ako magserbisyo sa inyong tanan kay ako gatuo nga ang pagserbisyo sa tao, serbisyo kana sa atong Ginoo."
 
Samtang, mihatag usab sa iyang hugot nga suporta si Mayor Klarex Uy diin iyang giaghat ang mga benepesyaryong pamilya nga ampingan ang nadawat nga ayuda.
 
“Usa kini ka programa nga nagpamatuod nga ang gobyerno kanunay duol sa katawhan ug ang katawhan kanunay duol sa gobyerno. Hinaut kini nga tabang inyong ampingan pag-ayo kay para kini sa panginahanglanon sa inyong pamilya ug mga anak. Ayaw ninyo kini sayanga,” matud pa sa mayor.
 
Ang mga pamilya gikan sa Barangay 1-20, Barangay 33, Barangay 34, Barangay 40, Barangay Balulang, Bulua, Carmen, Canitoan, Dansolihon, Iponan, Kauswagan, Lumbia, Macasandig, Nazareth ug Pagalungan.
Gawas sa cash assistance, midawat ang mga biktima og grocery packs, libreng t-shirts, paypay, kalo, vitamins, face masks ug pipila ka pahalipay nga giagi sa raffle gikan ni Senator Bong Go sama sa bisikleta, relo, rubber shoes, cellular phone ug uban pa. (NLB/CIO/photos by Reynan Baylin)