Thursday, 18 February 2021 01:54

VACCINATION CENTERS SA KABARANGAYAN, GILARAW SA SYUDAD

Written by
AGP/Photo by Reynan Baylin/CIO AGP/Photo by Reynan Baylin/CIO
GIHINGUSGAN ni Dr. Lorraine J. Nery, acting city health officer, nga mohimo og community-based COVID19 vaccination drill alang sa uban pang priority groups karong ulahing semana sa Marso subay sa nasabutan tali sa Department of Health.
Kini aron mas hapsay nga mapahigayon ang pagbakuna kon ugaling moabot na ang COVID19 vaccines gikan sa DOH.
Sa laing bahin, gikonpirma usab ni Dr. Nery nga sa pagkakaron aduna nay na-identify ang immunization task group pinangulohan ni Dr. Ina Grace Chiu nga 15 ka strategic locations nga mahimong vaccination centers syudad.
Kini mao ang barangay Kauswagan, Carmen, Iponan, Canitoan, Bulua, Bugo, Cugman, Lapasan, Gusa, Tablon, Camaman-an, Macasandig, Macabalan, Mambuaya ug Lumbia.
Apan giklaro ni Dr. Nery nga posible pa kini madugangan. Sa matag vaccination center, adunay average nga lima ka vaccination teams, diin target niini mabakunahan ang 75 ngadto 100 ka pre-identified eligible vaccinees matag adlaw.