Subli nga nagpahigayon sa ilang Monthly Tabo ang mga recovering drug responders sa Community-Based Drug Rehabilitation Program (CBDRP) nunot usab sa kasaulogan sa Drug Abuse Prevention & Control (DAPC) Month sugod karong adlawa Nob. 3, ug mahuman sa Nob. 28.
Ang DAPC pormal nga gilusad kaganihang buntag sa City Anti-Drug Abuse Council (CADAC) uban sa City Social Welfare & Development (CSWD) ug Oro Citizen's Wellness and Development Center (OCWDC) sa bag-o nga pamaagi nga mao ang virtual gumikan sa giatubang karon nga pandemya.
Apan bisan pa man sa COVID-19, mga nagkadaiyang kalihokan ang nakahan-ay alang sa mga responders gikan sa mga aktibong CBDRP sama sa Photo Gallery contest, Poster Making contest, Search for Plantito & Plantita, Tik Tok Challenge, Family Cooking contest (vlog type), Film Making contest, ug ang Tree Planting (Kuha ni Reynan Baylin/CIO)
