Kapin 80 ka administrative officers ug division chiefs sa nagkadaiyang buhatan sa city hall ang gi-orient kalabot sa mandatory drug testing sa tanang mga opisyal ug kawani sa city hall adlaw’ng Biyernes, Oktubre 11 sa Cronin Hall, Cathedral compound.
Ang kalihokan gitambongan ni City Anti-Drug Abuse Council (CADAC) Co-Chairman Kagawad Romeo Calizo, Office for Community Affairs (OCA) Head Oliver Egypto, Philippine Drug Enforcement Agency Information Officer Rosemarie Bajao ug Oro Citizens Wellness and Development Center Head Rhyzelle Descallar.
Kini kabahin sa tinguha sa administrasyon ni Mayor Oscar Moreno nga makab-ot ang ‘drug-free workplace’ sa tanang buhatan ug departamento sa kagamhanang lokal ning syudad subay sa Republic Act No. 9165 kon Comprehensive Dangerous Drugs Act of 2002. (By Ian Fuentes / photo by Roel Felicitas)
